aiaraldea.eus

"Euskaraz bizi nahi duen jendea ezagutu dut"

Erabiltzailearen aurpegia Aitor Aspuru Saez   Euskara  Amurrio

AINHOA BARBARA (Amurrio, 1974) Amurrioko Berbalagun taldean aritzen da. Ikasturte hasierarekin berbalagun taldeak berpiztu dira eta ekimena nolakoa den azaldu Ainhoa partehartzailearen ikuspegitik.

Berbalagun ekimena berriro hastear dago, nabaritu duzu bere falta udan zehar?

AINHOA BARBARA (Amurrio, 1974) Amurrioko Berbalagun taldean aritzen da. Ikasturte hasierarekin berbalagun taldeak berpiztu dira eta ekimena nolakoa den azaldu Ainhoa partehartzailearen ikuspegitik.

Berbalagun ekimena berriro hastear dago, nabaritu duzu bere falta udan zehar?

Egia esan, berbalagun taldekideen falta nabaritu dut; baina, euskaraz hitz egiteko aukera izan dut. Lanari esker, ingurumen gidaria naiz, batez ere, umeekin praktikatu ahal izan dut. Eta lanetik kanpo ezagutzen ditudan euskaldunekin eta lagunen seme-alabekin ere mintzapraktika egin dut.

 

Zergatik hasi zinen Berbalagun programan?

Lehenengo, euskaltegian hasi nintzen nire euskara hobetzeko. Proposamen polita izan zen berbalagunen parte hartzea. Horrela euskaraz bizi nahi duen jendea ere ezagutu dut, eta horrela ez dut euskaraz egiten bakarrik euskaltegiko jendearekin.

Zer da Berbalagun ekimenak zure bizitzan suposatu duena?

Lehen esan dudan bezala, euskaraz bizi nahi duen jendea ezagutzea, eta nola ez!! Ondo pasatzea. Prest nago edozein lekutan, momentutan eta.... disfrutatzeko.

Zeintzuk dira Berbalagun dinamikak?

Nire taldea Amurrion pintxo-pote egunean biltzen da; beraz, imajina ezazu!!!! Edozein gai ona da hitz egiteko, hori bai, latzak ez direnak.

Norbait zalantzan egongo balitz, nola animatuko zenukeen Berbalagun izaten?

Jendeak normalean denbora dauka edozein gauza egiteko. Orduan euskaraz hobeto hitz egin nahi badu, zer da ordu bat euskaraz bizitzen? Nork ez du hori egiteko astirik?

Bereziki berritsua izan behar du Berbalagunak?

Euskaraz praktikatzeko denbora gutxi baduzu, bada, bai, derrigorrean hitz egin behar duzu eta nola ez, ondo pasatzeko irekita egon. Amurrioko pintxopote berbalagun taldea oso irekia, berritsua eta “zoroa” da, batzuetan txanda eskatu behar da hitz egiteko.

Nola antolatzen zarete?

Hasieran talde arrunta zen. Taberna batean hitz egiteko elkartzen ginen eta kito. Baina gero pintxo-pote egiten hasi ginen. Eta gure artean komunikatzeko whatsapp erabiltzen dugu. Horrela badakigu nortzuk egongo garen eta nortzuk ez.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa