Aiaraldeko parke lineala eskualdeko azpiegitura garrantzitsu eta erabilienetarikoa bilakatu da azken urteetan, Josune Irabien Amurrioko alkatearen aburuz. Hasierako proiektuan ibilbideak 33 km zeuzkan Arriagorriagatik Delikaraino.
Momentuz ibilbidea Salbioraino bakarrik dago erabilgarri eta arrisku puntu batzuk ere antzeman ziren abiadura handia daukan errepide nagusia gurutzatu behar baita ibilbidea osatu ahal izateko. Egoera honek azpiegitura hobetzeko pausoak emateko bultzada eman zien erakunde publikoei eta ibai ondotik pasako den ibilbidea luzatzeko aukerak aztertzen ari dira.
Horretarako antzinako eskola eta zenbait eraikin txiki botako dituzte Amurrion bide lineala San Roke auzoarekin lotzeko. Ibilbidea auzo honetara bideratuz abiadura handiko errepide nagusia gurutzatu ordez landa eremu batean zehar igaroko litzateke ibilbidea era horretan arriskua nabarmen txikituz.
Udalerrien gainetik dauden erakundeek eskeini dute lan hauek egiteko dirua: Arabako Foru Aldundiak -aurten 200.000 euro eta hurrengoan beste 200.000- eta neurri txikiagoan Eusko Jaurlaritzak -35.000 euro-.