Iraia Aspuru Aiara Dantza Taldeko kideak idatzitako testua:
Aiara dantza taldean izena emateko data zabalik egongo da hilaren 15a arte. Izen ematea 3035 0089 14 0890704884 (Laboral Kutxa) kontu korrontean dantzariaren izen-abizenak jarriz eta kurtso bakoitzari dagokion kuota ordainduz egingo da. Dantzari berriek B bat jarri beharko dute izenaren aurretik.
Ikastaro ezberdinak eskainiko ditu aurten ere Aiara Dantza Taldeak. Alde batetik ume eta gaztetxoentzako zuzendutakoak, eta bestetik helduentzako bi motatakoak; Helduak eta dantza plaza izenekoak.
Ume eta gaztetxoen klaseak ostiral eta larunbatetan izango dira. Dantzari berriek 5 urtetik aurrera eman ahalko dute izena, eta ostiraletan 17:15-18:15 eta larunbatetan 11:30-12:30 izango da haien ordutegia. Dantzari berrien ikasturte hasiera urriaren 4ean izango da. Aurreko urteetako dantzariei haien begiraleak emango die ordutegia, ikasturte hasiera irailaren 13an izango delarik. Bestalde, kurtso honen prezioa 30 eurotakoa da.
Dantza plaza
Helduentzako talde honetan, dantzariek erromeriatan dantzatu ohi diren dantzak ikasiko dituzte, askotan rock and rolla bezalako erritmoak baliatuz ikasketarako. Larunbatetan emango da 13:00etatik aurrera, eta 20€ da prezioa.
Helduak
Talde honen helburu nagusia erromerietarako dantza errazak ikastea den arren, plazarako taldeko dantzak ere ikasiko dituzte ikasleek. Era berean, Aiara Dantza Taldearen emanaldietan ere dantzatzera bideratuko dira ikasketak, nahi izanez gero, hauetan dantza egiteko aukera emanez. Astearteetan 19:00etatik 20:00etara izango da kurtso horren ordutegia, eta 30€ prezioa. Klaseei urriaren 1ean emango diote hasiera.
Taldearekin harremanetan jartzeko helbide eletronikoa: aiaradantzataldea@gmail.com edo telefonoa erabili daiteke: 688 66 25 54 (Igone) eta 661 37 85 96 (Amaia)