Azkenengo Udal Osoko Bilkuran PPk, PSE-EEk eta Bilduk bat egin dute Udal Taldeak proposatutako ekimenari ezetza adierazteko. Uztailaren azkenengo egunean egindako ez ohiko eta premiazko Udal Osoko Bilkuran EAJk aurrekontu kreditu transferentzia gauzatzeko asmoa izan du.
Horren ondorioz, Foru Planak jasotzen dituen proiektuek gauzatzeko ordena aldatu beharko zuten. Beraz, ur-horniduraren berritzearekin harremana duten obrek lehentasuna izan beharko zuten.
Aldiz, oposizioko talde guztiek -PP, PSE, Bildu- lehenetsi dute San Jose auzoko Zabaleko kalean egin behar diren lanak.
EAJren iritzia
EAJk bere jarrera argitu du oharraren bitartez eta aipatu du tramiteak direla eta obrak ezin direla hasiko azaroa heldu baino lehen eta horrek bi hilabete besterik ez dituela utziko dagokion diru kopurua erabiltzeko. Jeltzaleek nahiago zuten 6 hilabete atzeratzea obrak eta jarraian egitea, etenaldirik gabe. Udal Taldeak opozisioaren zorroztazuna salatu du.
Oposizioaren salaketak
Udalbatza egin baino lehen, Roberto Jiménez PSEko ziengotziak azaldu du ez duela Udal Taldearen asmoa ulertzen eta errespetu falta iruditzen zaiola San Joseko auzokideei bere beharrak konpondu behar dituen obra atzeratzea.
Mariano Alava Bilduko ordezkariak, aldiz, azpimarratu du ez zaiola onargarri iruditzen Udal Taldeak hedabidetan iragartzea zenbait gai oposizioari aurreratu baino lehen. Horretaz aparte, Alavak adierazi du oposizioaren artean erdietsitako adostasun maila zaila dela lortzea eta horrek hausnarketa eragin beharko lukeela EAJn, gehiengo absolutua ez baitu.