Reforamurrio Enpresaldeko enpresen haztegiko moduluetan izena emateko aukera izango dute ekintzaile eta enpresa txikiek, abenduaren 30ra arte.
Hortaz gain, sortu berri den Coworking espazioa ere dago zabalik. Bulego partekatu bat da gune hori, 34,66 metro koadrokoa eta “espazio murriztua behar duten enpresa txikietako profesionalentzat pentsatua”. 25 euro ordaindu beharko ditu hilean espazio hori erabili nahi duenak. 12 hilabetez erabili ahalko du, eta gero beste urtebete luzatu ahalko zaio kontratua.
Hiru modulu libre
Libre daude moduluak, berriz, hiru dira, 31,56 eta 34,66 metro karratu bitartekoak. Amurrio Bideanetik (enpresa haztegia kudeatzen duen elkartea) adierazi dute modulu bakoitzaren prezioaren barruan “erabiltzaileak sortutako gastu guztiak” sartzen direla, hala nola elektrizitatea, ADSLa, berogailu sistema edota garbiketa. Partekatutako zerbitzu batzuk erabiltzeko aukera izango dute baita haztegian izena ematen dutenek: harrera-lekua, office-a, postontzi pribatua, bilera-gelak ata abar.
945 891721 telefonora deituaz edo administracion@amurriobidean.org helbidera mezu bat bidaliaz lortu daiteke informazio gehiago.