Gutxi eztabaidatu zen Amurrion egindako azken Udal Osoko Bilkuran. Adostasun handia lortu zuten alderdiek gai ezberdinetan. Esaterako, arazorik gabe onartu zuten Merkataritza zuzena eta elikadura subirotasunaren aldeko adierazpena. Testua Nazio Batuei bidaliko diete, irailean bilera garrantzitsua izango baitute garapenaren inguruan.
Zentzu berean, Amurrioko Udal Osoko Bilkurak Polisario Frontearen 40. urtemuga dela eta Eusko Legebiltzarrak egindako adierazpen bera bere gain hartu zuen. Testuak Sahararen deskolonizazio prozesuaren alde egiten du.
Tokiko gaiak
Landutako gai guztiak ez zeuden loturik nazioarte esparrura. Askok eragina zuzena dute Amurrion bertan. Adibidez, Dantza Eskolan bi ikastaro berriak egitea adostu zuten. Ikastaro bat helduak dantzaren munduan murgil daitezen prestatu dute. Bestea doakoa izango da eta bere helburua 4 edo 5 urteko umeak dantzan hasteko egingo da.
Arau gehiagok aldaketak izan zituzten. Larrialdiko egoera sozialean dauden pertsonek diru-laguntzak eskatu dezaten araua egokitu zen. Bestalde, espazio-publikoaren erabileraren araudia aldaketak izan ditu. Horri esker etxebitzan berrikuntzak egin nahi dutenek erdia ordainduko dute aurrerantzean hesiak, obra-txabolak edo aldamioak jartzeagatik, baldin eta 3 hilabete baino gutxiago irauten badu espazioaren okupazioak. Esparru horretan eraikin berriak eraiki nahi dituztenek erraztasunak izango dituzte. Bukatzeko eta espazio-publikoari dagokionez, erakundek bere interes publikoa aitortu dieten elkarteei zein Amurrioko elkarte askori -Udalaren diru-laguntza jaso dutenek azken urtean zehar- ez zaie tasarik kobratuko leku publikoak erabiltzearen truke.