Aurten Mendiko Lagunak elkarteak antolatu du Done Roke Errepikapena. Jai Batzordeak abuztuaren 16an egiteko asmoa iragarri eta gero, mendizale taldeak Amurrioko Jaiak bukatu eta gero egitea erabaki zuen, hurrengo egunean hain zuzen ere. Horregatik ez da Herriko Jaien egitarauaren baitan agertu.
Dena den, antolakuntzan beste elkarte ugarik parte hartu dute ere. Rotmat, Cofradías Santa Vera Cruz, Santa Marina de Olarri Auzo elkartea, Mikologika Arriola, Asociación de Campaneros, Aiara Dantza Taldea, Arenalde San José Elkartea eta Txosnagunea laguntzaileak dira eta Amurrioko Udala babesle gisa parte izan da ere.
Egunaren egiitaraua hurrengoa izango da eta Done Roken ospatuko da:
09:00 XXXVI. Pil-pil erako Bakailao eta XII. patata-tortila lehiaketarako izen ematea
11:30 Done Errokeko zelaian meza nagusia Mariaka Abesbatzarekin
12:30 Patata-tortilen aurkezpena
13:00 Bakailao lehiaketako kazolen aurkezpena
14:30 Pil-pil erako bakailao eta patata-tortila lehiaketen sari banaketa
15:00 Herri bazkaria, tiketak txosnetan egongo dira salgai, 5 euro
16:00 Dantzaldia, Aiara Dantza Taldeari esker
16:30 Erromeria
Antolatzaileek jai honetan parte hartzeko gonbidapena luzatu dute.