Bildu koalizioak gaur adierazi du pasa diren 8 hilabeteetan EAJren lerro politikoa erabat definitu dela Amurrioko Udaletxean. Eta balorazioa, alderdi independentistaren iritziz, ez da batere ona. Bilduren ustez, EAJk arrabol absolutista pasa du denbora honetan eta horrela jarraituko du.
Horretarako, gaurko prentsaurrekoan esandakoaren arabera, EAJk gai garrantzitsuenak -aurrekontuak eta ordenantzek, adibidez- behin eta berriro Tokiko Gobernu Batzordean erabakitzen ditu. Hemen, EAJk hiru ordezkari ditu eta gainontzeko alderdiek guztira beste hiru, beraz, Bilduk dioenez, PPrekin akordioetara heldu eta gero ateratzen ditu bere ekimenak.
Koalizioaren ustez ez da bidezkoa EAJren jarduera, batipat, kontuan izanda Tokiko Gobernu Batzordean gehiengoa dutela eta, aldiz, jaso zituzten bozkak ez zirela %39ra heltzen.
Zentzu horretan, Bilduren ustez, herritarren zein beste alderdien parte hartzea ez du sustatu EAJk. Bilduk esan du horren froga bat dela batzorde ezberdinen funtzionamendu kaotikoa, Batzorde Informatiboetan landu behar diren gai asko zuzenean Tokiko Gobernu Batzarrera joatea edo Udal Osoko Bilkurak bi hilabetero egitea.
Bilduren iritziz, parte hartze horren ordez, "PNVk 50.000 eurorengatik “aditu” bat kontratatzea nahi du “era batean edo bestea”, parte-hartzeagatik ulertzen duten hori kudeatu diezaien. Baina bere udal kudeaketa ereduan parte-hartze erreala eta eraginkorrak kabidarik ez duela da benetako arazoa dutena. Nahiago dituzte adoste eta kontratazio opakuak, nahiz eta hauek zalantzazko legezkotasunezkoak izan." Aldi berean, Ixone Retesek aurpegiratu dio EAJri proiektu zehatz bat ez edukitzea eta hedatzeko aditu baten beharra izatea.
EAJri zuzendutako eskaera
Bukatzeko, Bilduk zehaztasuna, gardentasuna, parte hartzea eta proiektu sinisgarri bat eskatu dio EAJri.