2011 bukatu baino lehen Pirritx eta Porrotx pailazoak Amurrion egongo dira "Zazpikoloroa" antzezlana aurkezten. Bihar, abenduak 16, ostirala, 18:00etan hasiko dute ikuskizuna Bañueta Kiroldegian. Sarrerak bi euro balioko du, baina 3 urtez beherakoak doan izango dute. Gaur arte eskuratu daitezke sarrerak Amurrioko Kultur Etxean, eta bihar 17:30tatik aurrera Basarteko takilan egongo dira eskuragai.
2011 bukatu baino lehen Pirritx eta Porrotx pailazoak Amurrion egongo dira "Zazpikoloroa" antzezlana aurkezten. Bihar, abenduak 16, ostirala, 18:00etan hasiko dute ikuskizuna Bañueta Kiroldegian. Sarrerak bi euro balioko du, baina 3 urtez beherakoak doan izango dute. Gaur arte eskuratu daitezke sarrerak Amurrioko Kultur Etxean, eta bihar 17:30tatik aurrera Basarteko takilan egongo dira eskuragai.
Biharko hitzordua Amurrion Olentzeroaren egitarauaren baitan dago eta udalaren eta Ohitura Elkartearen artean antolatu dute. Elkarteak dagoeneko hamar aldiz deitu ditu Pirritx eta Porrotx arrakasta handiz. Hasiera batean, pailazoak frontoian egiten zituzten ikuskizunak, baina eguraldi txarra sahiesteko Bañueta Kiroldegira eraman zituzten emanaldiak. Bienvenido Pascual, Ohitura Elkarteko kideak azpimarratu digu Pirritx eta Porrotxek harrera oso ona izan dutela beti Amurrion, eta garrantzitsua dela ahalik eta herritar gehien agertzea biharko hitzordura.
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
