10.803,33 euroz lagunduko du udalak Vicente Ferrer Fundazioa

Erredakzioa 2016ko abe. 28a, 08:10

Udalak 10.803,33 euroko diru-laguntza emango dio Vicente Ferrer Fundazioari Anantapur distrituko (India) Shaiksanipalli eta Bethapalli landa-komunitateetan 74 emakumek eta euren familiek oinarrizko saneamenduko etxebizitza duina izateko proiektuan. Genero irizpideak erabiliko dituzte proiektuan.

Udalak 10.803,33 euroko diru-laguntza emango dio Vicente Ferrer Fundazioari Anantapur distrituko (India) Shaiksanipalli eta Bethapalli landa-komunitateetan 74 emakumek eta euren familiek oinarrizko saneamenduko etxebizitza duina izateko proiektuan. Genero irizpideak erabiliko dituzte proiektuan.

Elkarlana

Amurrioko Udalak babestu izan du Vicente Ferrer Fundazioa hainbat aldiz: 2008an, adibidez, Kanekal behien hazkuntzarekin Anantapurreko dalit emakumeen ekoizpen-ahalmenak indartzeko proiektua babestu zuen.

2009an, Yerraguntan 19 etxebizitzako kolonia eraikitzeko proiektua.

2010ean, Anantapurreko 74 emakumeren ekoizpen-ahalmenak indartzeko proiektua. Urte horretan, gainera, Udalak Indiara bidaiatu zuen beste erakunde publiko batzuekin batera, proiektuak bertatik bertara ezagutzeko.

2011n ere, diru-laguntza eman zuen 19 emakume ahaldunduz eta etxebizitza duinak eraikiz 19 familia horien egoera hobetzeko proiektua gauzatzeko. 2012an, Venkatareddipallin 28 etxebizitza eraiki eta muturreko pobrezia desagerrarazteko proiektua babestu zuen.

2013an, berriz, Makkinavaritalli landa-komunitatean 14 etxebizitza eraikitzeko proiekturako laguntza eman zen.

 

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide