Hainbat hedabideren aurrean prentsaurrekoa eskaini dute Iñigo Errejon eta Pili Zabala Elkarrekin Podemoseko ordezkariek. Gainera, alderdikide ugari elkartu dira Amurrion: Nagua Alba, Eduardo Maura, Lander Martinez... besteak beste.
Pili Zabala Lehendakarigaiak nabarmendu du ondo bukatzen ari direla kanpaina eta bazterkeriaren aurrean ez duela inoiz begiratuko beste alde batera.
Iñigo Errejonek, ordea, azaldu du Elkarrekin Podemosek ez duela erakundeetatik inor bota nahi -Iñigo Urkulluk egindako adierazpenen harira-, baizik eta jende mordori ireki nahi dizkiela. Behin eta berriro errepikatu du kanpoan lanean ari den jendea herrira ekarri nahi dutela.
Igandeko hitzordua dela eta, Podemoseko agintariak goraipatu du Arabaren garrantzia. Bere ustez, herrialdea giltza izan daiteke aldaketa bultzatzeko.
Al Rojo Vivo telebista saioari erantzun dio zuzenean Errejonek eta atzo Pablo Iglesiasekin twitter bidez izandako eztabaida normaltzat jo du politikariak; “alderdi berekoak gara baina gure pentsamendua ez da uniformea”.
Agerpenaren ondoren Guk eskulturara hurbildu dira koalizioko kideak.
Argazkiak: Aitor Aspuru