Italian joko du Habemus Papa(m) taldeak

Erredakzioa 2017ko urtarrilaren 10a

Habemus Papa(m) taldea Urduñako Gaztetxean, artxiboko irudi batean. Argazkia: aiaraldea.eus

Bergamon eta Creman joko dute maiatzean, eta abesti berriak sortu eta grabatzeari ekin diote.

Italiara joango dira maiatzean Amurrioko Habemus Papa(m) taldeko kideak. Maiatzaren 5ean Bergamon joko dute eta hurrengo egunean, aldiz, Creman.

Kontzertu gehiago ere eskainiko dituzte. Datorren urtarrilaren 28an Deustun egongo dira Akerjembe taldearekin batera. Otsailaren 18an Murtzian joko dute eta Ekainaren 3an, aldiz, Bilbon, Ipar Haizea kultur elkartean.

Abesti berriak

Amurrioko taldeak orain arte argitaratu dituen bi diskoetako abestiak entzun ahalko dira kontzertu horietan. Hala ere, Habemus Papa(m)-eko kideek jakinarazi dute abesti berriak konposatzen eta grabatzen ari direla.

Habemus Papa(m) taldeari duela urtebete eginiko bideo-elkarrizketa:

Habemus Papam from aiaraldea komunikazio leihoa on Vimeo.

Kultura Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide