Epaitegi Gorenak absolbitu ditu bi gazte terrorismoa goratzeagatik, Entzutegi Nazionalak zigortu ostean

Erredakzioa 2017ko urtarrilaren 27a
Deskargatu Info Ahotsak :

Epaitegi Gorena. Argazkia: apqt.wordpress.com

Epaitegi Gorenak absolbitu ditu Amurrioko bi gazte terrorismoa goratzeagatik, Entzutegi Nazionaleko Angela Murillo epaileak zigortu eta gero.

Epaitegi Gorenak Angela Murilloren epaia zuzendu du eta, ondorioz, Amurrioko bi gazte absolbitu ditu terrorismoa goratzeagatik.

Eskualdeko bi gazteak erruduntzat jo zituen epaileak terrorismoa goratzeagatik 2014ko pintaketa batzuen harira. Hori dela medio, urte eta erdiko kartzela zigorra ezarri zien.

Hala ere, gazteen abokatua den Leo Barañanok azaldu du Angela Murillok oso epai kaskarra egin zuela. Izan ere, idazketan adituen txostena soilik zeukaten gazteen aurka, hau da, ez zegoen ez froga gehiagorik, ez lekukorik. Gauzak horrela, Gorenak adierazi du hori ez dela nahikoa amurrioarrak zigortzeko.

Abokatuak argitu du ez dela arrunta Epaitegi Gorenak zuzentzea Entzutegi Nazionalaren erabakiak. Dena den, Angela Murilloren epaiak oinarririk ez zuenez, gazteak absolbitu dituzte.

Politika Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide