Udal Gobernu Taldeak gaur azalduko dio oposizioari aurrekontuen zirriborroa

Erredakzioa 2017ko martxoaren 7a

Aurrekontua martxoaren 30eko udalbatzan onartzea aurreikusi du udal gobernu taldeak. Argazkia: aiaraldea.eus

Amurrioko Udal Gobernu Taldeak gaur emango dizkie aurrekontuen zirriborroari buruzko xehetasunak oposizioko alderdiei. Guztira 13.712.934,95 euro erabiltzea aurreikusi dute. Aurrekontua martxoaren 30eko udalbatzan onartzea da EAJren asmoa.

200.000 euro bideratuko dituzte AmurriokoEKIN partaidetza ekimenera. Horrez gain, iazko zenbait egitasmo bukatu behar dituzte, Lan eta Zerbitzuen Foru Planera aurkeztutako obrak esaterako; baita Frontoi kalea urbanizatzeko eta Mendixur, Larrabe eta Berganza auzoetako saneamendu-sarea berritzeko lanak ere.

Inbertsio gehiago
Inbertsioetarako zenbatekoa 2.542.568,98 eurokoa da. Auzoetan 65.000 euroko gastua proposatu dute: Zabaleko eta Lucas Rey ikastetxeak hobetzeko lanak gauzatzea. Bestalde, San Jose auzoan markesinak jartzea planteatu dute.

Gainera, enplegua sustatzeko partida ere badago tokiko eta eskualdeko planen barruan (276.500 euro). Ekintzaile eta mikroenpresentzako laguntzak mantenduko dituzte, Amurrio Bideanek egiten dituen ekarpen ekonomikoekin batera.

Ekonomia Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide