Barne protokoloa onartu du Amurrioko Udalak, “sexu jazarpenaren eta laneko sexuagatiko jazarpenaren aurka”.
Bi tresna baliatuko ditu protokoloak. Prebentzioa izango da horietako bat. “Sentsibilizatu, informatu eta prebenitzeko neurriak jarri eta ohiko jokabide-kodeak ezarriko dira”, azaldu dute udaletik. Beste aldetik, “jokatzeko prozedura adostuak” ezarriko dira.
Falta “astunak” eta “oso astunak”
Barne protokolo horrek faltak tipifikatu egiten ditu: “astunak” eta “oso astunak”. Modu horretan, udalaren helburua da “errazago eta azkarrago” detektatzea sexu-jazarpena eta laneko sexuagatiko jazarpena izan daitezkeen jokabideak. “Berme prozedura” bat ere zehazten du protokoloak, “edozein langilek (emakume nahiz gizon) gai horiei buruzko idatzizko edo ahozko kexa egin dezan”.
Berdintasun Sailaren bitartez jarriko da martxan protokoloa, udalean ordezkariak dituzten sindikatuen laguntzarekin. Langile guztiek ezagutuko dute dokumentuaren edukia, udal barruan azalduko baita.
Bi tresna erabiltzea proposatzen du protokoloak: “prebentzioa” eta “jokatzeko prozedura zehaztuak”.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide