Baranbion saihesbiderik ez egiteko eskatu dio Amurrioko Udalbatzak Arabako Foru Aldundiari

Erredakzioa 2017ko apirilaren 28a
Deskargatu Info Ahotsak :

Argazkia: araba.eus

Aho batez adierazi zuen atzo Amurrioko Udal Osoko Bilkurak ez duela saihesbiderik nahi Baranbion eta trafiko arazoa konpontzeko bestelako ideiak babestuko dituztela.

Oraingo Foru Aldundiaren Arabako Errepideen Plan Integralaren arabera, saihesbidea eraiki beharko lukete Baranbioko zeharbideko trafiko arazoak konpontzeko, A-2522 errepidean, alegia.

Hala ere, Amurrioko Udalbatzak onartu zuen mozioa atzo hori ekiditeko. Alderdiek uste dute bertan egingo den esku hartzeak aintzat hartu behar duela oinezkoen beharrak.

Horrez gain, udal osoko bilkurak nabarmendu du lanek Amurrioko HAPOren irizpideekin bat egin behar dutela. Bestalde, gune berdea ez dela murriztu behar gaineratu dute, izan ere, autobidea gauzatu zutenean eragin handia sortu zuten bertako ingurumenean.

Alternatibak

Saihesbidearen ordez, Amurrioko Udal Osoko Bilkurak eskatu dio Arabako Foru Aldundiari premiaz lantzeko segurtasuna Baranbioko zeharbidean eta trafiko astuna desbideratzeko neurriak hartzeko; adibidez, Aretatik autobidera bidaltzea.

Ingurumena Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide