Megatech enpresan lanuzteak eta greba deitu dituzte bihartik aurrera, hitzarmena dela eta

Erredakzioa 2017ko maiatzaren 17a
Deskargatu Info Ahotsak :

Megatechen mobilizazio gehiago egin dute azken urteotan.

Bihar eta maiatzaren 25ean ordu eta erdiko elkarretaratzea egingo dute, maiatzaren 30ean 4 ordukoa eta ekainaren 1ean egun osoko greba gauzatuko dute.

LAB sindikatuak jakinarazi du Megatech enpresako langile batzordeak mobilizazioak deitu dituela hurrengo egunetarako.

Gauzak horrela, bihar eta maiatzaren 25ean 13:15etik 14:35era bitartean elkarretaratzea egingo dituzte. Maiatzaren 30ean, ordea, 4 orduz utziko diote lan egiteari txanda bakoitzean eta ekainaren 1ean egun osoko greba aurreikusi dute.

Hitzarmena
Protestak abiatuko dituzte berriro Megatechen salatzeko enpresak soldata eskala bikoitza ezarri nahi duela, kimikako hitzarmen estatalaren bitartez. Gainera, soldata igoera ekoizpenari lotu nahi dute.

Ekonomia Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide