29 proposamen bidali dizkiote ikasleek udalari, herriko paisaiak zaintzeari begira

Erredakzioa 2017ko mai. 23a, 06:50
Amurrioko udaletxea, artxibo irudi batean. / aiaraldea.eus

Virgen Niña, Zabaleko, Aresketa ikastola, Zaraobe institutua eta Lucas Reyko ikasleek hartu dute parte ekimenean.

Udalari zuzendutako hainbat proposamen aurkeztu dituzte Amurrioko ikasleek, Agenda 21 egitasmoaren bidez. Ondorengo ikastetxeek hartu dute parte ekimenean:  Virgen Niña, Zabaleko, Aresketa ikastola, Zaraobe institutua eta Lucas Rey.

29 iradokizun aurkeztu dituzte guztira. Herriko “paisaia hobetzera” bideratu dituzte proposamen guztiak. Zuhaitz autoktonoak landatzea, herritarrak kontzientziatzeko hitzaldiak ematea, herriko hainbat hormetan paisaien graffitiak egitea edota parkearen tamaina handitzea proposatu diote nerabeek udalari, besteak beste. Halaber, lantegiekin konpromisoak sinatzearen alde egin dute, “gutxiago kutsatu dezaten”.

Konpromisoak
Baina ikasleak ez dira proposamenak egitera mugatu, euren gain hartuko dituzte hainbat konpromiso. Ingurugiroa zaintzera konprometitu dira, eta tokiko kontsumoa sustatuko dutela ere adierazi dute: “Etiketetan aztertuko dugu produktuen jatorria, bertako, estalkirik gabeko eta ahal bada modu ekologikoan sorturiko produktuak aukeratzeko”.

Ikusi ikasleen proposamen eta konpromiso guztiak hemen:

Politika Amurrio
Erlazionatuak
Prentsa-oharra

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide