Refor kirolgunean egingo da tenis txapelketa. Ekimenean 14 urtetik gorakoek hartuko dute parte. Izena emateko bi modu daude: 620924701 telefonora deitzea, edo openamurrioct@gmail.com helbidera mezua bidaltzea. Apuntatzeko epea, ordea, maiatzaren 31n bukatuko da.
Aurreratu dutenez, ekainaren 1ean egingo dute txapelketako zozketa, orduan erabakiko dira partidak. Reforreko tenis pistetan zintzilikatuko dituzte biharamunean norgehiagoka guztiak. "Partidak larunbat eta igande goizetan egingo dira, bi asteburutan. Partaideek, baina, aukera izango dute, nahi izanez gero, beste egunen batean jokatzeko", azaldu du Isacios Franganillo antolatzaileak. Ekainaren 17an izango dira finalerdiak, eta 18an finala, 10:30etik aurrera.
Amurrio Tenis Klubeko kidearen hitzetan, banakako torneoa izango da: "Lehen kanpoko jendea gonbidatzen genuen, baina bertakoentzat antolatzen dugu txapelketa. Helburua tenisa sustatzea da. Horregatik, gure bazkideak eta inguruko jokalariak izaten dira gehienak". Hiru jokotan puntu gehien biltzen dituena igaroko da aurrera, "3 set tie-break" ereduari jarraiki.