Garrastatxu Mendi Ibilaldiak bat egingo du Ahuntz Egunarekin

Aitor Aspuru Saez 2017ko eka. 5a, 16:03

Euskal Preso Politikoen aldeko mendi ibilaldiak Baranbioko Ahuntz Egunarekin bat egingo du. Zeharkaldia eta abere azoka ez ezik, zozketa egongo da.

Garrastatxuko II. Askatasun Mendi Martxako antolatzaileek erronkaren hainbat xehetasun eman dute. Hasteko, bi ibilbide egongo dira:

  • Luzeak ia 25 kilometro izango ditu (Garrastatxu-Txabola Otegi-Puente de Lekue-Gorostiano-Baias ibaiaren jaiotza-Ipergorta-Oderiaga-Nafarkorta-Garrastatxu) 08:00etan abiatuko dute.
  • Motza 15,5 kilometrok osatuko dute (Garrastatxu-Txabola Otegi-Puente de Lekue-Pagozarretako menhirra-Zaratxirriga-Garrastatxu) eta 08:30ean abiatuko da.

Izena emateak 7 euro balioko du egunean bertan eginez gero, eta 5€ herrikrosa.eus atarian aurrez apuntatzen bada.

Zozketa

Antolatzaileek aurreratu dutenez, egunean bertan zozketatuko dituzte zenbait sari. Garrantzitsuena GPSa izango da, bigarrena mendi makilek eta ura eramateko gerrikoak osatuko dute,eta 3. saria Albizabal ostatuan afaltzeko gonbidapena izango da.

14:30ean ekingo diote zenbakiak hautatzeari. Garrastatxuko mendi ibilaldiaren Facebook orrian jakinaraziko dituzte saridunak, baita Txokogorrin, Albizabalen eta Bazterren ere.

Horrez gain, parte-hartzaile orori kamiseta oparituko diote.

 

Kirola Amurrio Baranbio

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide