Gazte Asanbladak 10 urte bete dituela ospatzeko egun osoko festa, larunbatean

Tremenda jauria izango da gauean kontzertua eskainiko duen taldeetako bat. / Tremenda Jauria

Astarte, Placton, Tremenda Jauria eta Batek daki taldeek joko dute gauean.

Egitarau oparoa prestatu du Amurrioko  Gazte Asanbladak datorren larunbaterako (ekainak 10). “Haritik harira, hamar urte badira” lemapean antolatu dute eguna. Izan ere, hamar urte betetzen ditu aurten Gazte Asanbladak. Duela astebete plazaratu zuten urteurrena ospatzeko abestiaren bideoklipa, Burubio Musika Elkarteko kideekin elkarlanean eginikoa:

Goizeko hamaiketan jaurtiko da hasiera suziria, eta tortila txapelketari ekingo zaio jarraian. Lehiaketan parte hartu nahi duten taldeek ekainaren 8a (osteguna) baino lehen eman beharko dute izena Txokogorri tabernan, euro baten truke. Parte hartzaile bakoitzak bere material eta osagai propioak eraman beharko ditu.

11:30etik aurrera haurrentzako eskaintza nagusituko da: tailerrak eta puzgarriak egongo dira, Ane Gebara ipuin kontalariarekin batera.  Saskibaloian jokatzeko aukera ere izango dute umeek, Zaraobe taldearen eskutik.

Hamabietan hasiko da 3x3 Futbito txapelketa. Partaideek 11:00etan eman beharko dute izena Juan Urrutia plazan, 3 euro ordainduta. Sokatira norgehiagoka ikusteko aukera egongo da baita, Artziniegako Bizindar taldearen eskutik. 14:30ean izango da bazkaria San Anton plazan. Txokogorrin lortu daitezke tiketak, 10 euroren truke. Mus Txapelketa eta bertso-hop emanaldia egongo dira ostean, Izar Mendiguren, Paula Amilburu eta Ander Solozabalen eskutik. 

19:00etan kalejira abiatuko da Sakatu elektrotxarangarekin eta ondoren ekitaldia egongo da, 21:30ean. 22:00etan hasiko da gaueko eskaintza: Astarte, Placton,  Tremenda Jauria eta Batek daki taldeak igoko dira oholtzara.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide