Sua ez ezik, polemika piztu zen ostiralean Amurrion ikasleek sortutako sorgina lapurtu ostean. Sare sozialetan oihartzuna izan zuen lapurretak, azkenean erre bazuten ere.
Otsemeak taldeak mezua zabaldu du gaur sare sozialetan jakinarazteko eurek lapurtu zutela sorgina eta gaur agerraldia egingo dutela: "Gu izan ginen Amurrioko Udaleko sorgina kendu genuenak, ez dugulako onartuko beste urte batez ere sorginak, emakumeak, herritarron aurrean inkisizioaren garaietan bezala plaza erdian erretzea. Nazkatuta gaude udalaren promesa faltsuez eta uste dugu bazela garaia hitzetatik ekintzetara pasatzeko".
Talde feministen salaketa historikoa izan da hori (Pausoka zein Otsemeakena), izan ere, aldarrikatu izan dute ez dela emakumerik erre behar inkisizio garaian bezala. Esaterako, iaz ez zen sanjoanetan sorginik kiskali, baizik eta bestelako panpina.
Sorgina lapurtu zuten ostiralean Amurrion, eta egileek agerraldia egingo dute gaur
Zabaleko Ikastetxeko umeek egindako sorgina lapurtu zuten ostiralean eta horrek harrotu zituen hautsak Amurrion. Hala ere, panpina itzuli zuten geroago eta, azkenean, erre zuten.
Lapurretaren egileek agerraldia egingo dute gaur 19:00etan herriko plazan.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide