Kaskagorri eta Amurrio Club taldeen arteko harremana tenkatu da azken egunetan. Izan ere, Amurrio Clubak 1. mailako talde batekin hasi ditu negoziazioak hitzarmena sinatzeko. Kaskagorri taldea ez dago horrekin ados eta oraingo klubarekin, hau da, Athleticarekin, mantendu nahi du harremana. Horregatik utzi dio Amurrio Clubaren filiala izateari.
Kaskagorriko arduraduna den Koldo Gabiñak adierazi du oso gustura daudela Athleticarekin eta horrela jarraitu nahi dutela: "Amurrio Clubarekin etengo ez bagenu harremana, beste klub baten filiala izango ginateke, Amurrio baita talde nagusia eta berak sinatutakoa bete beharko genuke".
Hori dela eta, Gabiñak argitu du bertan behera utziko dutela urtebetez, momentuz, filial izaera hori, eta gero negoziatuko dutela Amurrio Clubarekin.
Amurrio Cluba negoziazio horien zain dago. Izan ere, Miguel Angel Jauregi taldeko ordezkariak iragarri du baloratu beharko dutela euren filial propio sortzea.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
