Datorren ikasturteari begira jarri da dagoeneko Aiara Dantza Taldea. Taldeko kideek jakinarazi dute irailaren 7tik 9ra egongo dela antolatzen dituzte ikastaroetan izena emateko epea. Dantza taldeak Reforren duen lokalera bertaratu behar da horretarako, ondorengo ordutegian: irailaren 7 eta 8an 18:00etatik 20:00etara eta irailaren 9an 10.00etan 12:00etara. 30 eurokoa izango da urte osoko kuota.
Hiru talde egongo dira datorren ikasturtean, eta bakoitza 20 kidez osatua egongo da gehien jota. Hauek izango dira talde bakoitzaren ezaugarriak:
*Umeak (5-16 urte bitartekoak, txikienak 2012an jaioak): Entseguak asteazken eta ostiraletan izango dira 17:00etatik 18:00ak arte.
*Helduak (16 urtetik gorakoak): Entseguak asteazkenetan izango dira, 18:00etatik 19:00ak arte. Talde honetan erromerietarako dantzak ikasteaz gain, plazan egiteko dantzak ere ikasiko dituzte eta Aiara Dantza Taldearen dantzaldietan parte hartzeko aukera izango dute.
*Dantza Plaza (16 urtetik gorakoak): Entseguak larunbat goizetan izango dira, 13:00etan. Talde honetan erromerietako dantzak ikasiko dira.
Taldetik ohartarazi dute behin izena emanda ez da kuotaren kostea itzuliko. Errua dantza taldearena izatekotan bakarrik itzuliko da kuotaren kostea; azken orduko ordutegi aldaketak badaude, adibidez.
Taldearekin harremanetan jartzeko korreo bat plazaratu dute: aiaradantzataldea@gmail.com. Bi telefono zenbaki jarri dituzte baita interesdunen eskura: 688 662 554 -Igone- eta 688 812 199 -Karlota-.