Amurrioko Udalak jakinarazi du akordioa sinatu berri duela giza baliabideen udal-plan berriaren gainean, “urtebetez lanean egon eta gero udalean ordezkariak dituzten sindikatuekin -ELA, LAB eta CCOO-”. Hala ere, langileek batzar batean berretsi behar dute oraindik adostutakoa.
Bi lanpostu berri
Aipatutako plan horrek lanpostuen zerrendan izango du eragina, gaur egun 66 langilez osatua dagoena. “Lan-baldintzak hobetu egingo dira eta aintzat hartuko dira udalean atzeman diren antolamendu-beharrak”, adierazi dute udaletik, eta nabarmendu dute bi koordinazio lanpostu sortzea aurreikusi dutela: Gizarte Zerbitzuen Sailean bata eta Gizarte eta Kultura Zerbitzuen Sailean bestea. “Administrazio-laguntzaileak sustatzea” eta “aldi baterakotasuna murriztea” ere planteatzen da, “lanpostu deialdi baten eskutik”.
Urtea amaitu baino lehen abian egongo den Herritarren Harretarako Zerbitzuaren lan-baldintzak ere jaso dituzte planean.
Funtzio publikoko zinegotzia den Txerra Molinuevok sindikatuen ordezkariek “adostasun-giroaren alde” izandako jarrera goraipatu du, “negoziazioan esku hartu duten alderdi guztien onerako izan baita”.
Lege-agintaldi honetan eta hurrengoan egongo da indarrean akordioa. Bi lanpostu berri sortzea aurreikusten dute.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide