Diru-laguntzak eskatu dizkio Amurrioko Udalak Espainiako Gobernuko Energia, Turismo eta Agenda Digital Ministerioari. Hiru proiektu gauzatzeko baliatu nahi du udalak diru hori.
Argiteria berritzea izango litzateke egitasmo horietako bat, efizientzia eta aurrezpen energetikoa sustatu eta herriko hainbat guneren argiztapena hobetzeko. Diru-laguntza emanez gero, ministerioak proiektuaren % 50a finantzatuko luke, udaletik jakinarazi dutenez.
Beste proiektuetako bat oinezkoen mugikortasuna hobetzea izango luke helburu, “oinezkoen irisgarritasuna eta garraio publikoa hobetuaz, aldirietako aparkalekuak prestatuaz eta herriko bideak berrantolatuaz”. 900.000 euroko aurrekontua zehaztu du udalak horretarako.
Udal-eraikinen autokontsumorako energia
Eguzki-instalazio fotovoltaikoak jartzean datza hirugarren eta azken ekimena, “udal-erakinen autokontsumorako energia elektrikoa sortzea helburu”. Horretarako 70.000 euroko aurrekontua beharko duela aurreikusi du udalak.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
