Asier Benitok golak sartzen ditu dagoeneko Bilbao Athleticen

Asier Benito zurigorriz jantzita./ www.lacanteradelezama.com

Alaves taldearen filiala utzi ostean, Asier Benitok hasi du denboraldia Bilbao Athleticen eta lagunarteko partidetan debuta egin ez ezik, golak ere sartu ditu.

Asier Benito Amurrioko gaztea hasi da Bilbao Athleticen jokatzen. Pasa den astean Queens Park Rangers Ingalaterrako klubaren 23 urtetik azpiko taldearen aurka neurtu zen eta berdindu zuten bere golari esker.

Astelehenean, aldiz, Portugaleteren kontra jokatu zuten eta 0-2 irabazi zuten. Asier Benitok gola egin zuen berriro.

Atzo Burgosekin lehiatu ziren eta Bilbao Athleticek galdu zuen 2-1. Asier Benitoren gola falta izan zen. Hala ere, amurrioarrak oso modu positiboan hasi du aurredenboraldia.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide