Egitarauari dagokionez, Larrabeko Jaiek ez dute aparteko berrikuntzarik izango aurten .“Magia saioa da aldatu dugun gauza bakarra”, adierazi du jai batzordeko kidea den Aintzane Tierrak, “BocaBeats ikuskizuna ekarriko dugu horren ordez”.
Bada, baina, aldaketa nabarmen bat: tokia. “Kaleko obrak direla eta jaia egiteko baliatzen genuen gunea ez dago erabiltzeko moduan”. Gauzak hala, Letobeko Parkera mugituko dituzte ekintzak.
Historia luzeko jaiak dira Larrabekoak, duela 50 urte baino gehiago sortu ziren. Gaur egun 10 lagun inguru daude jai batzordean, baina gainontzeko auzokideen iritziak ere kontuan izaten dituzte egitaraua osatzeko orduan. Gauzak hala, umeentzako eskaintza handitu zuten iaz. “Harrera ona izan zuen apustuak, eta aurten ildo hori lantzen jarraituko dugu”.
Letobeko parkea behin-behineko kokalekua den arren, batzordeko kideek ez dute baztertzen aurrerantzean jaiak bertan ospatzen jarraitzea. “Leku egokia izan daiteke, aurten duen harreraren arabera baloratuko dugu zer egin”.
EGITARAU OSOA
Abuztuak 18, ostirala
18:30 // Umeentzako jolasak
20:00 // Buruhandiak
20:30 // Herri afaria
21:00 // Gau-jaia Jumas Band taldearekin
22:00 // BocaBeats komedia
23:00 // Jumas Band taldearen kontzertuaren jarraipena
Abuztuak 19, larunbata
18:30 // Mus Txapelketa. Sariak:
1) 100 euro, txapela eta afaria Bideko jatetxean
2) 75 euro eta trofeoa
3) Bi patxaran botila
(Izen ematea: 20 euro. Partidak Txokano tabernan jokatuko dira)
Abuztuak 24, osteguna
10:00 // Txupinazoa
11:30 // Meza, hilerriko kaperan
12:00 // Umeentzako puzgarriak
13:00 // Patata tortilla txapelketa. Sariak:
1) 40 euro eta trofeoa
2) 30 euro eta trofeoa
3) 20 euro eta trofeoa
13:00 // Igel joko txapelketa
(Izen ematea: 1 euro)
14:00 // Sari banaketa eta zozketa
16:00 // Puzgarriak
17:00 // Umeentzako jolasak
19:00 // Txokolatada
(Umeentzat doan, helduentzat 0,20 euro)
20:15 // Umeentzako disko-antzerkia
21:30 // Zumba
23:30 // Jumas Band taldea