Radio Revolución, Nafarroa Kanta Taldea eta DJ Ruba Baranbioko Jaietan

Erredakzioa 2017ko irailaren 4a
Deskargatu Info Ahotsak :

Dantza erakustaldia egongo da larunbatean. / Aiaraldea.eus

Ostegunean -irailak 7- hasiko dira jaiak eta larunbatera arte luzatuko dira.

Iazko eskema bera jarraituko dute aurtengo Baranbioko Andra Mari Txiki Jaiek. Ostegunetik –irailak 7- igandera luzatuko dira, eta makina bat ekintzez gozatzeko parada egongo da: Mus eta briska txapelketaz, umeentzako jolasez, dantza plazaz, paellen lehiaketaz…

Belarri-gozagarria izango da egongo den musika eskaintza. Ostiralean Radio Revolución bertaratuko da herrira. Hego Ameriketako doinuekin girotuko du gaua Jurgi Ibarretxe laudioarrak sortutako taldeak. Hori baino lehen, baina, Nafarroa Kanta Taldeak joko du, herritar guztiak abesten jartzea helburu.

Larunbatean  DJ Ruba musika jartzaile laudioarra igoko da oholtzara, goizaldeko ordu txikietara arte. Igandean, aldiz, oso bestelako emanaldia egongo da: Orozkoko Agate Deuna abesbatzarena.

Pilota partidak
Pilota partidekin amaituko dira jaiak. Iaz berreskuratu zuten ekintza hori, herrien arteko proben ordezko jarduera gisa. Bi bikote arituko dira lehian: Dorronsoro-Ugarte eta Guerrero-Iriarte.

Kultura Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide