Hasi dira Baranbioko Andra Mari Txiki Jaiak

Erredakzioa 2017ko irailaren 8a

Frontoian hainbat ekintza egingo dira / Aiaraldea

Igandera arte luzatuko dira ospakizunak. Atzo 18:00etan jaurti zuten txupina, eta frontenis txapelketako finala jokatuko zen ondoren, 18:15ean. 19:30ean odoloste jana egin zuten, euro baten truke.

Gaur edadetuak izango dira nagusi, 12:00etan meza egongo baita, eta 14:00etan jubilatuentzat bazkaria Garrastatxuko txosnan.

Larunbata egun nagusia

Larunbatak pilatuko ditu ekintza gehien. 11:00etan hasiko da eguna haragi paella txapelketarekin. 13:30ean aurkeztu beharko dituzte platerak. 12:00etan, aldiz, meza egongo da. Dantzaldiak izango dira jaun eta jabe ondoren, Patxi Perezen dantza-plaza egongo baita 20:30ean, eta 23:30ean Rubarekin disko-festa.

Igandean, ostera, abesbatzaren emanaldia edukiko dute goizean, 12:30ean. 17:00etan brisketa eta mus txapelketa antolatuko dute. Umeek, aldiz, hainbat jolasez gozatzeko parada izango dute 17:30etik aurrera. Arratsalde erdian -18:30ean- egingo dute txokolatada, eta segidan ekingo diote pilota partidei.

Kultura Amurrio Baranbio

Erlazionatuak

Garrastatxuko baselizan eta herrigunean ospatu dira Baranbioko Jaiak

Erredakzioa 2016 ira 12 Amurrio Baranbio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide