Amurrioko Udalak jakinarazi du tailerra egingo duela urriaren 7tik abenduaren 9ra bitartean, 12 urtetik gorako gazteei zuzendua. Larunbatero egingo dituzte saioak, 11:00etatik 13:00etara, Gaztelekuan.
Juan Urrutia parkerako gabonetako argiteria sortzea izango da ekimenaren helburua. Herriko kale-argiak baliatuko dira horretarako, “estetika artistikoarekin loturiko erabilgarritasuna” emanez. Udaletik adierazi dute nerabeen interesa piztea ere dutela helburu, “jakintza-alor anitzeko dinamikak garatuaz”. Jasangarritasun irizpideak sustatzen ere ahaleginduko dira, material birziklatuak baliatuta.
Interesdunek urriaren 6ra arte izango dute tailerrean izena emateko epea, Kultur Etxean. Prezioa 28,80 eurokoa izango da amurrioarrentzat eta 48 eurokoa, aldiz, herrian erroldatu gabekoentzat. 25 nerabek hartu ahal izango dute parte gehien jota.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
