“Hilabete batzuk baino ez dira falta Amurrioko udaletxean Bezeroarentzako Arreta Zerbitzua (BAZ) ezartzeko”. Hala adierazi dute tokiko erakundeko arduradunek.
Hainbat obra egingo dituzte udaletxeko sarrera moldatzeko, zerbitzu hori eskaintzeko espazioa sortzeari begira. Zerbitzu horrek aukera emango die herritarrei tramite eta eskaera guztiak eraikinaren sarreran egiteko, udaletxeko bulego batetik bestera ibili ordez. Ondorengo guneak izango lituzke espazio berriak: arreta pertsonalizatuko lau txoko, banakako kontsultarako gune bat eta itxarongela bat. Haurren txoko bat sortzea ere aurreikusi dute. Udalak jakinarazi du herriko lau enpresa ari direla espazioa diseinatzen, elkarlanean.
Hiru langile
Hiru langile egongo dira zerbitzu hori eskaintzen, eta laugarren bat gehituko da “behar izanez gero”. Liburu bat sortu dute baita: “Amurrioko Udaleko Administrazio Izapideen Eskuliburua”. Bezeroenganako arreta zerbitzuari estaldura ematea izango da dokumentu horren xedea.
Hilabete gutxi barru egongo da abian Bezeroarentzako Arreta Zerbitzua udaletxean
137.309,84 euroko aurrekontua zehaztu dute zerbitzua abiatu eta egin beharreko obrak egiteko.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide