Obrak ugari abiatuko ditu Amurrioko Udalak urtea amaitu baino lehen. Landaburu kalean egingo dute lan horietako bat. Bi markesina jarriko dituzte kaleko 4. zenbakiaren parean, autobus-lineako erabiltzaileentzako. 28.459,7 euro bideratuko dituzte urte berria iritsi baino lehen amaitua egongo den obra horretara.
San Mames etxea
Hainbat lan egingo dituzte baita ere San Mames Etxean, erakinaren irisgarritasuna bermatzeko. “Gaur egun ez dago higiezin horretara iristerik, eskailera-maila batzuk daudelako kanpoko urbanizazioarekin dagoen desnibela gainditzeko”, adierazi dute udaletik. Horregatik, arrapala bat eraiki eta terraza bat atonduko dute, 18.373,72 euro baliatuta.
El Refor-eko fatxada
El Refor-eko txakolindegiaren fatxada konponduko dute baita ere, “altxatu eta hezetasun ugari dituelako eta arotzeria andeatua dagoelako”. 29.336,42 euroko aurrekontua izango dute berrikuntza hori egiteko.
Iturralde-Elexondo oinezkoentzako gunea
Iturralde-Elexondo inguruko oinezkoentzako gunean egingo dute azken obra, 39.347,52 euroko aurrekontuarekin. “Pasealekuko bi parterre eta zuhaitzik gabeko hainbat txoko kenduko dira eta eskudel bat jarriko da Iturralde kaleko 6. zenbakiko higiezinaren albo batean”, jakinarazi dute tokiko erakundetik, eta gaineratu dute bi farolen kokalekua aldatuko dutela eta zoruaren zati batzuk berritu egingo dituztela, hondatu egin direlako ibilgailuen zirkulazioa medio.
Bi markesina eraikiko dituzte Landaburun eta irisgarritasuna hobetuko dute San Mames Etxean. Iturralde-Elexondo oinezkoentzako gunean eta El Reforreko fatxadan ere egingo dituzte lanak.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide