Amurrioko EH Bildu: "Nagusien Etxeak kudeaketa eredu berria behar du"

Erredakzioa 2017ko abe. 4a, 07:00
Amurrioko nagusien etxea, artxibo irudi batean. / Aiaraldea.eus

Amurrioko EH Bilduk Nagusien Etxearen garapen eta funtzionamenduaren inguruko planteamenduak berritzeko beharra adierazi du prentsa ohar bidez. Nagusien Etxeko kontratuaren desegitea zerbitzuaren kudeaketari buruzko eztabaida abiatzeko unea izan behar dela deritzo koalizioak.

Amurrioko Nagusien Etxearen gaineko planteamenduak berritzeko beharraz ohartarazi du EH Bilduk. Koalizioaren ustetan, "eredu zaharkituak gainditu" eta egungo gizarte eskaeren beharrei erantzungo dien zerbitzua eskaini behar zaie herriko nagusiei.

Neurri ugari
Hainbat neurri aurkeztu dituzte helburu horiek betetze aldera: Pertsona edadetuak autonomiaz euren inguru naturalean mantentzea ahabidetuko duten zerbitzu komunitarioak martxan jartzea bai eta zerbitzu komunitario hauek nagusiki prebentzio eta asistentzian oinarritutakoak izatea, adibidez. Zentzu horretan, pertsona nagusien iniziatiba eta beharrei erantzungo dien elkargune ireki eta dinamiko baten aldeko apustua egiten du talde politikoak.

Gasteizeko udal zerbitzuak hiriburuko nagusien egoitzetan duen gestio eredua jarri dute horren adibidetzat. Kudeaketa parte-hartzaile horren bidean, Amurrioko EH Bilduren helburua da sustatzea  Nagusien Etxeko erabiltzaileen komisioa, Pertsona Nagusien Batzordea eta Nagusien Etxeko bilera orokorrak, dinamikaren motore izango direlako.

Politika Amurrio

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide