Amurriotik Indiara, 20.000 euroko laguntza bizi-kalitatea hobetzeko

Erredakzioa 2017ko abenduaren 20a
Deskargatu Info Ahotsak :

Amurriotik bidalitako dirulaguntzak 40 familien bizi-kalitatea hobetuko du / fundacionvicenteferrer.org

Amurrioko Udalak, Vicente Ferrer fundazioaren bitartez, 20.000 euro bidaliko ditu Indiako Anantapur ingurura bertako 40 familien etxebizitza eskubidea bermatzeko.

Urteak daramatza Vicente Ferrer fundazioak Indiako Anantapur inguruan lanean. Bertako familien bizi-kalitatea hobetzea du helburu Gobernuz Kanpoko Erakunde honek. Familien etxebizitza duina bermatzeaz gain, genero lanketa sakona ere darama aurrera zonalde horretan.

Amurrioko Udalak Vicente Ferrer fundazioaren jarduna 20.000 euroko diru-laguntzaz bultzatzea erabaki du. Laguntza horrek Anantapur inguruko Bommanahal landa-komunitatearen bizi-baldintzak hobetuko ditu, 40 familiei etxebizitza duin baten eskubidea bermatuz.

Ez da Amurrioko Udalak Vicente Ferrer fundazioa ekonomikoki laguntzen duen lehenengo urtea. 2008tik 2013ra urtero aritu dira GKE horrekin elkarlanean. Hiru urteko geldialdi baten ostean 2016an ekin zioten berriro elkartasun apur hori Indiara bidaltzeari.

Jendartea Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide