Mendiko kaleko 19 helbideko etxeko teilatua kentzeko eskatu du Orain Amurriok, amiantoa baitauka

Mendiko kaleko eraikina./ Orain Amurrio

Orain Amurrio udal taldeak oharra zabaldu du eskatzeko tokiko erakundeari ken dezan Landazuri etxeko teilatua, fibrozementua dauka eta.

Orain Amurriok salatu du Mendiko kaleko 19. zenbakian dagoen eraikinak amiantoa duela, eta edonor kaltetu dezakeela.

Izan ere, teilatuaren egoera kaskarra da, eta zenbait zati apurtu eta lurrera erori dira. Orain Amurriok gogoratu du oso kutsakorra dela fibrozementua eta eraikinak ez duela hesirik inguruan.

Ondorioz, edonor sar daiteke eremuan eta amiantoaren eraginean egon. Udal taldeak nabarmendu du edozein gazte edo umeri gerta dakiokeela hori.

Hori guztia saihesteko Orain Amurriok exijitu dio udalari neurriak har ditzan; teilatua kentzea, besteak beste.

Aldi berean, Ahal Duguren zerrendak gogoratu du aspaldi eskatu ziola tokiko gobernuari amiantoa duten eraikinen zerrenda egitea.

 

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide