Urtarrilaren 5ean egingo dute birpopulaketa. Azkenaldian arrain ugari hil dira Nerbioi ibaian, kutsaduraren ondorioz. Hori dela eta, erreketako fauna mantentzearen aldeko apustua egin dute Laudioko, Amurrioko, Arakaldoko eta Arrankudiaga-Zolloko udalek. Izan ere, herri horietan agertu dira kutsaduraren arrasto handienak.
Nerbioi Bizirik plataformaren esanetan, ezinbestekoa da herritarren eta instituzioen presioa, industriaguneek kontaminazioa murriz dezaten. Zentzu horretan, herritar guztiei luzatu diete bertaratzeko eta arrain laranjak askatzeko deia. "Edozein arrain izango da ongietorria, koloreak eta tamainak ez du inporta", nabarmendu dute.
Hitzorduak herrika
Herrika, honakoak izango dira protesta-ekimenak: Amurrion Refor sarrerako zubian elkartuko dira, Laudion tren geltoki aldamenean, Arakaldon herri sarrerako zubian, eta Arrankudiagan Iberlandan. Hitzordu guztiak 12:00etan izango dira.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
