Deportivo Alavesek bi jokalari utzi dizkio Amurrio Clubari; Alexandre Roselli eta Rodrigo Rivas
Erredakzioa
2018ko urt. 4a, 10:06
Alexandre Rosellik eta Rodrigo Rivasek Amurrion jokatuko dute taldean denboraldia bukatu arte. Udan Deportivo Alavesek eta Amurrio Clubak hitzarmena sinatu zuten eta horri esker heldu dira futbolariak.
Alexandre Roselli atzelari frantziarra da eta 1997an jaio zen. Olimpique Lyon klubean eta Frantziako Selekzioaren gazte kategorietan eman du bere ibilbidea.
Rodrigo Rivas kolonbiarra da eta aurrelari lanak beteko ditu. Deportivo Alaveseko jokalaria bada ere, azken hilabeteak Kroaziako 1. mailako NK Rudes taldean igaro ditu. Txipreko 1. mailan ere aritu da, Doxa klubean, alegia. 20 urte ditu.
3 jokalarik utzi dute kluba Edonola ere, neguko merkatuan futbolariak ere galdu ditu Amurrio Klubak. Eneko Candal laudioarrak futbol zelaia utzi eta fisioterapeuta lanak hartu ditu eta Mikel Bueno eta Markel Guevara gasteiztarrek atzerrira jo behar izan dute lan egitera; Holanda eta Mexikora, hurrenez hurren.
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
