Maialen Lujanbio Euskal Herriko bertso txapelduna izango da gaurko jaialdian

Erredakzioa 2018ko urtarrilaren 4a

Maialen Lujanbio arituko da oholtza gainean, besteak beste.

Berak, BECeko azken finalean aritutako hainbat kidek eta Jon Maiak zipriztinduko dute bertsoz Amurrio Antzokia 20:00etatik aurrera. Sarrerak 8 euro balioko du.

Euskal Herriko puntako bertsolariek hartuko dute gaur Amurrio Antzokia. Izan ere, Maialen Lujanbio txapelduna ez ezik, Txapelketa Nagusiko gainerako finalista gehienak ere igoko dira oholtzara: Beñat Gaztelumendi, Aitor Mendiluze, Amets Arzallus, Aitor Sarriegi, Sustrai Colina eta Igor Elortza, hain zuzen. Kantatuko ez duen finalista bakarra Unai Agirre izango da, baina bere ordez Jon Maia egongo da.

Sarrerak
Jaialdia 20:00etan abiatuko dute eta sarrerak egongo dira salgai 19:00ak arte Kultura Etxean 8 euroren truke. 19:15etatik aurrera, ordea, antzokiko leihatilan eskuratzeko parada egongo da. Amurrioko Udalak jakinarazi du oraindik 70 sarrera daudela.

Kultura Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide