1.500 euroko diru-laguntzak banatuko dituzte ekintzaileen artean

Erredakzioa 2018ko urtarrilaren 26a
Deskargatu Info Ahotsak :

Amurrio Bidean agentzia publikoak kudeatuko ditu Lanbideren ekintzaileentzako laguntzak. / Amurrio Bidean

15 diru-laguntza esleituko dituzte guztira, 1.000 euroko 9 eta 1.500 euroko 6.

Amurrio Bideanek kudeatuko ditu Lanbideren ekintzaileentzako diru-laguntzak. Bi laguntza mota emango ditu Toki Garapenerako Elkarte Publikoak.

1.000 eurokoa izango da bata, eta negozio-ideia aztertu nahi duten ekintzaileei zuzenduta egongo da.

Bestea 1.500 eurokoa izango da, eta jarduera ekonomikoa abian jarriko duten lagunei emango zaie. Otsailaren 9a izango da bi deialdietara aurkezteko azken eguna.

Lehen diru-laguntza mota 9 ekintzaileri esleituko zaie eta seiri, aldiz, bigarrena. Informazio gehiago eskuratu daiteke 945891721 telefonora deituta  edo autoempleo@amurriobidean.org helbidera mezua bidalita.

Ekonomia Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide