317 errolda ziurtagiri banatu ditu udalak, aurrematrikulazioa errazteko

Erredakzioa 2018ko urtarrilaren 29a
Deskargatu Info Ahotsak :

Familiak ez dira udaletxera gerturatu beharko errolda ziurtagiria eskuratzeko. / Aiaraldea.eus

Otsailaren 9an amaituko da herriko hezkuntza zentroetan aurrematrikula egiteko epea.

Amurrioko hezkuntza-eskaintzaren berri eman die udalak herriko familiei, eta hainbat erraztasun eskaini dizkie. Aurrematrikula egiteko eskatu ohi den errolda-ziurtagiria igorri die etxera, familiak udaletxera gerturatu behar izatea ekiditeko.

317 gutun bidali dituzte horretarako, tokiko erakundetik jakinarazi dutenez. “Gurasoak euskara eta euskal kulturarekiko jarrera ona izatera animatu nahi izan ditugu, seme-alabei euskara ikastea erraz diezaieten”, nabarmendu du Amurrio alkate Josune Irabienek.

1.919 ikasle
1.919 ikasle daude matrikulatuak orain Amurrioko ikastetxeetan. Gehienak -% 79,89- ikasten dute D ereduan. Gainontzekoak B ereduan daude.

Hezkuntza Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide