Sagardotegi eta mendi plana batu ditu irteera bakarrean Mendiko Lagunak taldeak

Izar Mendiguren Cosgaya 2018ko otsailaren 12a

Adarra mendira joango dira Mendiko Lagunakeko kideak. / Gipuzkoako Ibilbideak

Otsailaren 24an izango da irteera. Adarra mendira joango dira lehenbizi, eta sagardotegira ondoren.

Amurrioko Mendiko Lagunak taldeak otsaileko egitaraua martxan du. Asteburuan egin dute ohiko elur irteera, eta hilaren amaieran gauzatuko dute sagardotegikoa. Otsailaren 24an izango da txangoa, 7:00etan aterata. Hitzordua Telefonicako aparkalekuan jarri dute, eta 18.00ak aldera espero dute itzultzea bertara. Laudion ere egingo du autobusak geldialdia, 7:15ean, hain zuzen.

12 kilometroko zirkularra
Ibilbideari dagokionez 12.5 kilometroko zirkularra proposatu dute. Izen-ematea otsailaren 20 arte egongo da zabalik, eta egoitzara bertaratuta (astearte eta ostegunetan 19:00etatik 21:00etara) edota telefono bitartez apuntatu ahalko da.

Ibilaldiaren prezioa 40 eurokoa izango da bazkideentzat, eta 45€ gainontzekoentzat. Ordainketa egiteko Kutxabankeko (ES20950059411091116383) eta Laboral Kutxako (ES6930350089120891003159) zenbakiak jarri dituzte eskura. Bazkaltzeko Artola sagardotegia aukeratu dute.

Kirola Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide