26 tabernek hartuko dute parte Laudioko XI. Pintxo Lehiaketan

Aimar Gutierrez Bidarte 2018ko otsailaren 23a

Herritarrek ere baloratuko dituzte pintxoak.

Laudioko XI. Pintxo Lehiaketa martxoaren 9, 10, 11, 16, 17 eta 18an burutuko da Laudioko 26 tabernetan. Bi epaimahai egongo dira, teknikoa bata eta herritarra bestea.

Martxoko bigarren eta hirugarren asteburuetan ospatuko da Laudioko Pintxo Lehiaketa. Aurtengoa XI. edizioa izango da eta 26 tabernek hartuko dute parte.

Pintxo kategoria bakarra egongo da eta epaimahai tekniko bat arduratuko da irabazlea hautatzeaz. Aurkeztutako pintxoen kalitatea, berrikuntza eta egokitasuna baloratuko dituzte, besteak beste. Barren aurkezpena ere puntuatuko da lehiaketan.

Herritarrak ere epaimahi
Herritarrek ere zer esana izango dute lehiaketan, Laudioko hainbat tabernetan eskuratu daitezkeen txartelak baliatuz. Bizilagunek pintxoak baloratu ahalko dituzte bi baldintza beteta: bost taberna baino gehiagoko pintxoak dastatzea eta taberna horietako bat gutxienez Laudioko auzoren batean kokatua egotea.

Ikusi iazko edizioan aurkeztutako pintxoak hemen.

Jendartea Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide