Mendi Tour zinema jaialdiaren sarrerak salgai daude

Erredakzioa 2018ko martxoaren 2a
Deskargatu Info Ahotsak :

Mendia izango da film guztien ardatza. / Bilbao Mendi Film Festival

Bilbao Mendi Film Festival jaialdiko lan onenak eskainiko ditu ekimenak martxoaren 8an. Sarrerek 2 euro balio dute eta Kultura Etxean salgai daude jadanik, egunean bertan ere eskuratu daitezke ere.

20:30ean hasiko da emanaldia Amurrio Antzokian eta 4 film ikusteko parada egongo da:

The last honey hunter: Iazko Bilbao Mendi Film Festivaleko edizioan kultura eta natura kategorian film onena izendatu zuten. 35 minutu irauten du.

The frozen road: Zuzendaririk onenaren saria eskuratu zuen iaz Bilbon eta 24 minutuko iraupena dauka.

Safety Third: Eskalada kategorian nabarmendu zuen epaimahaiak. 28 minutuko iraupena du.

Horrez gain, Aurrera film euskalduna ere eskainiko dute. Bertsio originalean proiektatuko dituzte, gaztelerazko azpitituluekin.

Amurrio eta Agurain
Bilbao Mendi Film Festivalek bere jarduera zabaldu du eta hainbat herritan egingo ditu emanaldiak. Bizkaiko eta Gipuzkoako zenbait tokitan egingo dituzte saioak, baita Asturias eta Vall D´Aranen ere. Arabako kasuan, Amurrion eta Agurainen izango da jaialdia.

Aurretik Valentzian eta Kantabrian ere proiekzioak antolatu dituzte.

Kultura Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide