Sinadura bilketa abiatu dute hainbat gurasok, Lucas Reyk 2 urteko umeentzako leku gehiago eskaini ditzan

Aitor Aspuru Saez 2018ko martxoaren 7a
Deskargatu Info Ahotsak :

2 urteko 14 haur geratu dira Lucas Reyn ikasteko aukerarik gabe.

2 urteko haurrentzako gelan 14 ume lekurik gabe geratu dira Lucas Rey Ikastetxean, eta gurasoek baliabide gehiago eskatu nahi dituzte egoera konpontzeko. Dagoeneko 800 sinadura inguru jaso dituzte.

Sinadura bilketa hasi dute zenbait gurasok Amurrioko Udalak eta Arabako Hezkuntza Ordezkaritzak euren seme-alaben egoera konpondu dezaten. Izan ere, 2 urteko 14 haur lekurik gabe geratu dira Lucas Rey Ikastetxean.

Horietako 12 umek ez dute plazarik eskuratu eta beste 2 kasutan berandu eman zuten izena. Gurasoen eskaera da dagoen espazioa beste modu batean antolatzea edo eraikin berria irekitzea eurentzat.

Antza, hainbat ume Lukas Rey Ikastetxetik oso hurbil bizi dira eta hezkuntzarako gune gertuena da eurentzat.

Errepikatuko den arazoa

Lucas Rey Ikastetxeko kontseiluan aritzen den guraso batek ohartarazi du, iaz bezala, datorren urtean ere arazo bera egongo dela eta guraso elkarteak ez duela gaitasunik horri erantzuna emateko. Familien ordezkariak uste du Amurrioko Udalaren eta Hezkuntza Sailaren esku dagoela umeei lekua topatzea.

 

Hezkuntza Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide