aiaraldea.eus

"Los últimos pastores de la Sierra Sálvada" dokumentala estreinatuko dute martxoaren 21ean

Erabiltzailearen aurpegia Aitor Aspuru Saez   Historia  Amurrio

Martxoaren 21ean izango da estreinaldia Amurrio Antzokian 19:30ean. Kultura Etxean lor daitezke gonbidapenak dokumentala ikusteko, 2 gehienez pertsona bakoitzeko. Egunean bertan banatuko dira geratzen direnak, leku guztiak bete arte.

"Los últimos pastores de la Sierra Sálvada" dokumentala estreinatuko dute martxoaren 21ean
Artzainak izango dira, besteak beste, dokumentalaren protagonistak. / Santi Yaniz | Ikusi handiago | Argazki originala

Salvagoro elkarteak sustatutako "Los últimos pastores de la Sierra Sálvada" dokumentala artzainei buruzkoa da eta ogibide horren iragana, orainaldia eta etorkizuna lantzen du.

Horretarako, aztertu dute zein izan den teknologiaren edota etxolen aldaketen eragina artzaintzan, esaterako. Hori dela eta, artzain ohien eta orain jardunean aritzen direnen lekukotzak jaso dituzte, besteak beste, Pepín Elejalderena, 89 urtekoa.

Horrez gain, adituak ere agertuko dira pantailan; Enrique Arberas, Juanjo Hidalgo, Fermín Leizaola, Inés Latorre, Jaime Izquierdo edota Luis Padura.

Talde profesionala kontratatu dute lana gauzatzeko eta Salvagoro elkarteak, Fundación Vital Fundazioak, Arabako Artzain Txakurren Aldeko Elkarteak (ARATE), Autocares Arzabek, HAZIk, Amurrioko eta Aiarako Udalek eta Aiarako Kuadrillak babestu dute egitasmoa.

 

2018/03/21 19:30

Amurrio Antzokia | Amurrio

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa