Tubos Reunidoseko sindikatuak parte hartzen ari dira Trapagako kaleratzeen aurkako mobilizazioetan

Erredakzioa 2018ko martxoaren 9a
Deskargatu Info Ahotsak :

Trapagako protesta./ A. S. S.

Amurrioko Tubos Reunidos eta Trapagako Productos Tubulares enpresak talde berekoak dira. Bizkaiko faktorian atzo abiatu zuten greba mugagabea eta mobilizazioak babesten ari dira eskualdeko langileen ordezkariak.

Tubos Reunidos taldeko zuzendaritzak otsailaren 28an jakinarazi zion Trapagako langile batzordeari kaleratzeak egingo dituztela. Horrez gain, lan hitzarmena bertan behera uzteko eta lan baldintzak aldatzeko asmoa dutela adierazi zioten.

Martxoaren 13an, hau da, asteartean, jasoko dute langileek dokumentazio guztia, baina jadanik mobilizazioak hasi dituzte; atzotik greba mugagabean daude Trapagan eta biharko manifestazioa deitu dute. Sestaon izango da 12:00etan.

Horrez gain, martxoaren 15ean, ostegunean, Bilbon egongo dira, Eusko Jaurlaritzaren egoitzaren aurrean, 11:30ean. Mobilizazioa Tubos Reunidos taldearen bulegoetan bukatuko da -Maximo Agirre, 18-.

Amurrioko Tubos Reunidoseko langile ordezkariek zabaldu dituzte deialdiak eta beharginei eskatu diete bertaratzea. Gainera, Trapagako protestetan parte hartzen ari dira.

Ekonomia Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide