Brontzezko domina irabazi du Gorbei Allendek Europako Txapelketan

Aimar Gutierrez Bidarte 2018ko apirilaren 11
Deskargatu Info Ahotsak :

18 urte azpiko Espaniako Selekzioarekin batera izan da Gorbei Allende Larrea Polonian. / Aiaraldea.eus

Poloniako Poznan hirian izan da Gorbei Allende amurrioarra Espainiako Selekzioarekin batera Europako Errugbi Txapelketan lehiatzen. Hirugarren postua eskuratu du Espaniako Selekzioak bertan.

Martxoan jaso zuen Gorbei Allende Nerbioi Errugbi Taldeko jokalariak Espainiako Selekzioarekin Europako Errugbi Txapelketan parte hartzeko deia. Poloniako Poznan hirian jokatu zen txapelketa martxoaren 22tik apirilaren 1era.

Frantzia, Georgia, Belgika, Portugal, Errumania, Errusia, Holanda eta Espainia egon ziren ordezkatuta norgehiagokan. Gorbei Allendek eta bere kideek hiru partida jolastu zituzten guztira. Lehenengo partida Belgikako Selekzioaren aurka jokatu eta aise irabazi zuten, Allendek aurreikusi bezala.

Finalerdietan Frantziarekin egin zuten topo aurrez aurre, txapelketako selekzio indartsuenetako bat. Partidaren lehenengo zatian ondo moldatu baziren ere ezin izan zioten denbora luzez Frantziako Selekzioari eutsi eta galdu egin zuten. 

Espainiako Selekzioak Portugalen aurka jolastu zuen hirugarren eta laugarren postuak ebatziko zituen partida. Norgehiagoka gogor baten ostean 17-0 gailendu eta Espainiako Selekzioak eskuratu zuen brontzezko domina.

Kirola Amurrio
Erlazionatuak
“Talde osoaren meritua da ni Europako txapelketara joatea”
“Talde osoaren meritua da ni Europako txapelketara joatea”

Aimar Gutierrez Bidarte 2018 mar 18 Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide