"Euskaraz bizi nahi dut" egunak badu data: maiatzaren 18a. Amurrioko Udalak urtero antolatzen du ekimena, euskarari bultzada emateko asmoz. Aurtengoan, baina, zenbait berrikuntza aurkeztuko dituzte. Batetik, data: larunbatean ordez, ostiralean egingo dute. Eta, bestetik, herri afaria egingo dute bazkariaren ordez. Arratsaldetik goizaldera luzatuko da, beraz, euskararen aldeko aldarria.
Arratsalde bete ekintza
Egitarauari dagokionez, haurrentzako ikuskizunak eta jarduerak izango dira arratsaldean nagusi. 16:45ean "Disko txantxa" emanaldia egongo da. Kalakaren zurezko jolasak ere ez dira faltako. "Familian jolasteko egurrezko jolasak, euskal jolasak, zirko tailerra eta Aspaltzaren tailerrak antolatu ditugu", azaldu dute Euskara Arlotik. Gaztelu puzgarriekin batera, teknologia berriez gozatzeko gonbita jasoko dute herritarrek, bideo jolasak euskaraz eskainiko baitituzte. Horrez gain, errugby erakustaldia ere egongo da.
Iluntze aldera, festa aparra apar festa bilakatuko dute. Horren ostean abiatuko da kantu kalejira, Nafarroa Kantu Taldearekin. Herri afaria izango da aurtengo beste nobedadeetako bat, AEKren eskutik. Aurreratu dutenez, txartelek 10€ balioko dute, eta Kultura Etxean zein euskaltegian egongo dira salgai. Disko festak itxiko du egitaraua, 23:30etik 01:30era.
EGITARAUA
- 15:45 // DISKO TXANTXA haur ikuskizuna parkean
- 17:00-19:00 // FAMILIA JOLASAK: Zurezko jolasak, euskal jolasak, zirko tailerra, bideo-jolasak eta gaztelu puzgarriak.
- 19:00 // APAR FESTA
- 19:30 // KANTU KALEJIRA, Nafarroa Kantu Taldearekin
- 21:30 // HERRI AFARIA, AEKren eskutik (10€)
- 23:30 // DISKO FESTA