Gwa Ya eta Deimocracy taldeak heldu dira Amurriock lehiaketaren finalerdietara, besteak beste

Aitor Aspuru Saez 2018ko mai. 16a, 07:00
Gwa Ya talde aiaraldearra izan da sailkatu den taldeetako bat. / Aiaraldea.eus

Ostiral honetan izango da lehen finalerdia, eta maiatzaren 25ean eta ekainaren 1ean eta 8an gainerakoak. 

Amurriock lehiaketako finalerdietara zein musika talde igaro diren jakinarazi du Burubio kultur elkarteak. Hamabi izango dira guztira. Horien artean daude Gwa Ya reggae talde aiaraldearra eta Goiatz Dutto laudioarraren Deimocracy metal taldea.

Datozen ostiraletan ebatziko da zeintzuk izango diren finalera helduko diren taldeak, lau finalerditan. 22:00etan hasiko dira laurak eta sarrera doakoa izango da.

Datorren maiatzaren 18an indie-pop estiloko taldeak igoko dira Burubio kultur elkarteko oholtzara: Meridian, Pomeray eta Hiri Galduak.

Hilaren 25ean, aldiz, rock eta metal musika jorratzen dituzten taldeen txanda izango da: Moonshiners, Vertigo Rising eta Deus Ez .

Ekainaren 1ean, aldiz, “popa eta beste estilo batzuk” entzun ahalko dira Burubion, Tristtan Mourguy eta Horeba, Gwa Ya eta Magic Inn taldeekin.

Ekainaren 8an joko dute finalerdietarako sailkatu diren azken hiru taldeak: Oslo Ovnis, Deimocracy eta Hoax Attack, hirurak ala hirurak metal estilokoak.

Burubio kultur elkarteko kideak pozik azaldu dira lehiaketak izandako harrerarekin, baina hautaketa prozesua zaila izan dela nabarmendu dute. Ekainaren 15ean izango da finala, Amurrioko Musika Astearen barruan.

Kultura Amurrio

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide